Forteljefestivalen

Programmet for forteljefestivalen er nå klart. Fredag 30. mars startar det opp med forteljing for barnehageborn og elevar i skulane i Etne. Me kan elles by på improforteljing, forteljing for barn i biblioteket, Haugtussa-musikkforteljing, stuntpoesi, forteljeframsyning basert på Per Sivle sine soger, forteljebusstur, forteljegudsteneste. I år har Tone Idun Bolstad utvikla bestillingsverket om Åsa den ljose.

Sjå heile programmet her

Neste forteljefestival i Etne blir i palmehelga 2012, 30. mars - 1. april. Styret er i gong med å jobba med innhald for festivalen. Er det nokon der ute som sit med ynskje og tankar om innhald er det berre å melda dette inn til leiar Marta Onstein.

Innan neste festival vil me som tidlegare bidra med forteljeopplevingar på ulike arrangement, så det er berre til å følgja med på facebooksida vår.

Etter Forteljefestivalen 10. - 12. september i år, kunne me lesa på bloggen til Tone Bolstad Fløde om forteljeopplevinga hennar, men også om korleis ho vart kjend med Etne via Knut Molnes i 2003, og ideen om Forteljefestivalen byrja ta form; Det var her jeg møtte de to mennene som på hver sin måte får noe med denne historien å gjøre. Den ene var Georg Hansen, en viking og kulturformidler bosatt i Gudvangen. Han satte meg i kontakt med forfatteren Vera Henriksen. Den andre var Knut Molnes. Han var pedagogisk konsulent i Etne kommune og engasjert i å bygge opp Tusenårsstaden i Etne. Han var også engasjert i Etne Sogelaget.

Les heile bloggen her.

Forteljefestivalen i Etne startar i dag opp med 7 skuleframsyningar for elevar ved Enge, Skånevik og Rygg skule
Elevar i 1. - 4. kl og 5. - 7.klasse ved Enge og Skånevik skule og 1.- 4.kl på Rygg skule får i dag besøk av forteljarane Anne Elisebeth Skogen og Heidi Dahlsveen. 
Heidi Dahlsveen fortel Ekko med variasjonar - for elevar  i 5. - 7.klasse, der elevane via forteljinga og etterarbeid blir kjende med og fornyar sin kunnskap om Norrøn mytologi.
Anne Elisebeth Skogen fortel for 1.-4. klasse om Skumle loft og mørke kjellarar.

Framleis høve til å melda seg på forteljekurs laurdag 11. september. Les kva kurshaldarane Heidi Dahlsveen og Torgrim Mellum Stene skriv om kursa her

10.-12. september er det for 6. gong Forteljefestival i Etne. Festivalen er ein av tre slike festivalar som er i drift i Norge nå. Dei to andre er i Oslo! Festivalen har sett Etne på Norgeskartet som forteljebygd for alle som er interessert i munnleg forteljekunst.

Dei 5 første festivalane vart arrangert i tett samarbeid med Etnemarknaden.Nå vil Forteljefestivalen i Etne stå på eigne bein. Med ei septemberhelg håpar me at det blir lettare for lokale folk å prioritera festivalen enn i travle marknadsdagar.