Forteljefestivalen

Mange gode forteljeopplevingar for barn og vaksne i løpet av fyrste dagen
på Forteljefestivalen i Etne.

Forteljar Torgrim Mellum Stene avrunda fredagskvelden med improvisert forteljing
saman med musikar Morten Minothi Kristiansen i svingen på Fugl Fønix.

Forteljefestivalen startar fredag 30. mars med offisiell opning kl 17.00 på Biblioteket på Skakkesenteret. SnippSnappSnute - forteljestund for born startar kl 18.00 i biblioteket med Mette Solemdal og Synnøve S. Koløen frå Stord (biletet). Før den tid er det forteljing og kaffi på Bustadskipinga kl 15.00.

Kl 20.00 er det den musikalske forteljeframsyninga Haugtussa i multimediesalen på Skakkesenteret. Arne Garborg sitt kjende diktverk med Grieg sin musikk til. Forteljeframsyninga vert levandegjort med Johanne ØvstebøTvedten (forteljing), Maria Malmsten (song) og Rune Ludvigsen (flygel)

Forteljekvelden vert avrunda med T&M - Improvisert fortelling/musikk
kl 21.00 på Fønix med Torgrim Mellum Stene og Morten Minothi Kristiansen
Det vert forteljemeny og open bar på Fugl Fønix frå kl 20.00

Les meir detaljar for programmet i helga her!

Kari Bolette Lundal, Nina Næsheim, Torgrim Mellum Stene og Sindre Titlestad Westgård sparkar i gong årets forteljefestival i Etne 2012 med forteljeøkter i barnehagar og skular i Etne kommune komande fredag. Forteljeøktene er støtta av den Kulturelle skulesekken.

Programmet for forteljefestivalen er nå klart. Fredag 30. mars startar det opp med forteljing for barnehageborn og elevar i skulane i Etne. Me kan elles by på improforteljing, forteljing for barn i biblioteket, Haugtussa-musikkforteljing, stuntpoesi, forteljeframsyning basert på Per Sivle sine soger, forteljebusstur, forteljegudsteneste. I år har Tone Idun Bolstad utvikla bestillingsverket om Åsa den ljose.

Sjå heile programmet her

Neste forteljefestival i Etne blir i palmehelga 2012, 30. mars - 1. april. Styret er i gong med å jobba med innhald for festivalen. Er det nokon der ute som sit med ynskje og tankar om innhald er det berre å melda dette inn til leiar Marta Onstein.

Innan neste festival vil me som tidlegare bidra med forteljeopplevingar på ulike arrangement, så det er berre til å følgja med på facebooksida vår.

Etter Forteljefestivalen 10. - 12. september i år, kunne me lesa på bloggen til Tone Bolstad Fløde om forteljeopplevinga hennar, men også om korleis ho vart kjend med Etne via Knut Molnes i 2003, og ideen om Forteljefestivalen byrja ta form; Det var her jeg møtte de to mennene som på hver sin måte får noe med denne historien å gjøre. Den ene var Georg Hansen, en viking og kulturformidler bosatt i Gudvangen. Han satte meg i kontakt med forfatteren Vera Henriksen. Den andre var Knut Molnes. Han var pedagogisk konsulent i Etne kommune og engasjert i å bygge opp Tusenårsstaden i Etne. Han var også engasjert i Etne Sogelaget.

Les heile bloggen her.